«Нұр Отан» ХДП Ақмола облыстық филиалында мектеп оқушыларының ауған жауынгерлерімен кездесуі өтті, деп хабарлайды BNews.kz тілшісі.
Шараға Ауғанстандағы соғыс ардагерлері, «Жас Отан» жастар қанатының белсенділері мен қаладағы мектеп оқушылары қатысты.
Кездесуде партияның Көкшетау қалалық филиалы төрағасының орынбасары Бауыржан Ғайса мен «Ауғанстан соғысы және Ақмола облысы жергілікті соғыс мүгедектері-ардагерлері одағы» ҚБ төрағасы Александр Аздравин сөз сөйледі. Олар Ауған ардагерлеріне сөзбен емес, іспен көмектесу қажет екеніне ерекше тоқталып өтті.
«Басты мақсат – балаларды ардагерлермен таныстыру. Соғыс деген үлкен зұлмат, жер бетінде әрдайым тыныштық пен бейбітшілік болсын. Отанға деген махаббат, үлкендерді сыйлау – егер әрбір адам осы қасиеттерді жүрегіне сақтаса, онда болашақ жарқын болады», – деді Б.Ғайса.
Ауғанстан соғысының ардагерлері мен қоғамдық бірлестіктерінің бірлестіктері «Сауа» және «Бауыржан Момышұлының Батып Шапағаты» медальдерімен марапатталды.
