Чемпиондар лигасының үздік ойыншысы анықталды
![Чемпиондар лигасының үздік ойыншысы анықталды Чемпиондар лигасының үздік ойыншысы анықталды](/storage/storage/element/2023/06/12/mainphoto/54512/1200xauto_o2QSkxhPuKEo6vQqtLA0Aa3bSlczme8jHc9bFhzc.png)
«Манчестер Ситидің» испаниялық жартылай қорғаушысы Родри УЕФА Чемпиондар лигасының үздік ойыншысы атанды, деп хабарлайды El.kz ақпараттық агенттігі.
Финалда «Сити» футболшылары Италияның «Интер» клубын ұтып, ал жеңіс голын Родри соқты.
68-минутта жартылай қорғаушы шабуылды жалғастырып, ағылшын клубына аталған турнир тарихындағы алғашқы жеңісті сыйлады.
Турнирдің символикалық құрамына «Манчестер Сити» клубынан 8 ойыншы кірген.
Қақпашы: Тибо Куртуа («Реал»);
Қорғаушылар: Федерико Димарко, Алессандро Бастони (екеуі де – «Интер»), Рубен Диаш пен Кайл Уолкер (екеуі де – «Манчестер Сити»);
Жартылай қорғаушылар: Родри, Кевин Де Брюйне мен Джон Стоунс (барлығы – «Манчестер Сити»);
Шабуылшылар: Винисиус Жуниор («Реал»), Эрлинг Холанд пен Бернарду Сильва (екеуі де – «Манчестер Сити»).
![Telegram](https://el.kz/static/site/images/tel26.png)