Жаңалықтар

Ақтөбеде екі кісіні өлтірді деген күдікпен тағы үш адам ұсталды

Аталмыш факті бойынша жалпы 13 адам ұсталды

Фото: polisia.kz

Фото: polisia.kz 29.10.2022 12:49 1372

Ақтөбе қаласында екі кісіні өлтірді деген күдікке ілінген тағы үш адам елордада ұсталды, деп хабарлайды El.kz.

"28 қазан күні Астана қаласы ПД Ұйымдасқан қылмысқа қарсы күрес басқармасының қызметкерлері жедел-іздестіру іс-шараларын жүргізу барысында Бөгенбай батыр даңғылындағы үйдің ауласынан үш күдіктіні ұстады", - делінген полицияның хабарламасында.

Олар Ақтөбеде екі кісіні өлтіргені үшін қылмыстық қудалаудан елордада жасырынып жүрген.

Бұған дейін полиция аса ауыр қылмыс жасады деген 3 күдіктіні ұстаған болатын. Кеше Ақтөбеде облыс орталығынан 400 шақырым жерде орналасқан елді мекендердің бірінде тағы 6 күдікті ұсталды.

Аталмыш факті бойынша жалпы 13 адам ұсталды.

Бөлісу: