Жыл басынан бері 7,2 млн жол ережесін бұзу дерегі тіркелді

2025 жылдың қаңтар-тамыз айларында Қазақстанда бейнекамералар мен «ақылды» құрылғылар 7,2 миллион жол қозғалысы ережесін бұзу фактісін анықтады. Бұл туралы DATA HUB деректеріне сілтеме жасай отырып El.kz интернет порталы хабарлайды.

Ең көп тіркелген бұзушылықтар

Жылдамдықты асыру – 4,3 млн жағдай (+7% жылдық өсім).

Жол белгілері мен сызықтарын елемеу – 2 млн жағдай (+46%).

Осы екі көрсеткіш барлық тіркелген айыппұлдардың шамамен 90 пайызын құрайды.

Басқа ереже бұзушылықтар

Камералар сондай-ақ мынадай заң бұзушылықтарды жиі тіркеген:

Көлікті автотұрақта дұрыс қоймау – 447 мың жағдай (+128%).

Қызыл түске өту – 361 мың жағдай (+183%).

Бұл деректер жалпы статистикаға тағы 11 пайыз қосып отыр.

Жүк көліктерін бақылау

2024 жылдың желтоқсанынан бастап шамадан тыс жүктелген жүк көліктерін бақылау басталды.
2025 жылдың қаңтар-тамыз аралығында 5 мыңнан астам заңбұзушылық анықталды. Қазір 50-ден аса өлшеу кешені жұмыс істейді, ал 2026 жылға дейін олардың санын 220-ға дейін арттыру жоспарланған.

Айыппұлдар

Барлығы 7 млн жүргізуші мен компания әкімшілік жауапкершілікке тартылған.

Тағайындалған айыппұл көлемі – шамамен 83 млрд теңге.

Соның ішінде нақты өндірілген сома – 70 млрд теңге.