Жыл басынан бері 28,7 мың қызметкердің еңбек құқығы қорғалған

Еңбек және әлеуметтік қорғау министрлігі халықтың әлеуметтік осал топтарын бақылауды күшейту және қолдау жұмыстарын жалғастыруда, деп хабарлайды EL.kz ақпарат агенттігі.

Мемлекеттік еңбек инспекторлары арқылы 28,7 мыңнан астам жұмыскердің құқығы қорғалып, 2 млрд теңгеден астам сомаға жалақы бойынша берешек төленді.

Әлеуметтік қызметтер порталы арқылы 514 мыңнан астам қызмет көрсетілді, оның ішінде 448 мыңға жуық техникалық оңалту құралдары берілді. Медициналық-әлеуметтік сараптамаға 45,5 мыңнан астам өтінім қаралды.