Жүргізушілер қайта емтихан тапсыруға міндетті ме? ІІМ жауап берді

Әлеуметтік желілерде “10 сәуірге дейін жүргізуші куәлігіү ауыстырмағандар қайта емтихан тапсырады” деген ақпарат тараған болатын, деп хабарлайды El.kz ақпараттық агенттігі.

Вкдомство бұл ақпараттың шындыққа сәйкес келмейтінін ресми түрде мәлімдейді.

Жүргізуші куәліктерін беру және емтихандарды қабылдау қағидаларына сәйкес жүргізуші куәлігін ауыстыру үшін азаматтан келесі құжаттар талап етіледі; жеке басын куәландыратын құжат немесе цифрлық құжаттар сервисі арқылы ұсынылатын электрондық құжаттар; мемлекеттік баж салығының төленгенін растайтын құжат. Куәліктің қолданылу мерзімі өткен жағдайда қосымша медициналық анықтама қажет. "Жүргізуші куәлігін ауыстыру кезінде жол жүру ережелері бойынша емтихан тапсыру талап етілмейді, - делінген хабарламада.