Жолға таласқан: Алматыда жүргізушілердің бірі екіншісіне оқ атты

Қалалық полиция департаментінің мәліметінше, оқиға Наурызбай ауданында болған, деп хабарлайды El.kz ақпарат агенттігі.

Алдын ала мәлімет бойынша, базарлардың бірінің аумағында екі көлік жүргізушісінің арасында ауызша жанжал туындап, соның салдарынан олардың бірі қарсыласының бетінен атқан. Күдікті полицияға жеткізілді. Оның атына тіркелген «ИЖ» газ тапаншасы қылмыстық іс материалдарына қоса тіркелді, - делінген хабарламада.

Қазіргі кезде аталған дерек бойынша Наурызбай аудандық ПБ ҚР Қылмыстық кодексінің 293-бабы 2-бөлігінде көзделген қылмыс бабы бойынша сотқа дейінгі тергеу амалдарын жүргізіп жатқанын хабарлайды.