Жігіт достарымен кездесу үшін көршісінің көлігін заңсыз айдап кеткен

Достарымен кездесу үшін көршісінің көлігін заңсыз айдап кеткен жігіт қолға түсті, деп хабарлайды El.kz ақпарат агенттігі.

Түркістан қалалық полиция басқармасының қызметкерлері көлік ұрлығына қатысы бар деген күдікпен жас жігітті ұстады. Оқиға түнгі уақытта болған. Жас жігіт көпқабатты үйлердің ауласында тұрған көршісінің автокөлігіне көзі түскен. ВАЗ көлігінің есігі ашық қалған соң, ол осы сәтті пайдаланып, рөлге отырған. Содан көлікті оталдырып, достарына жетіп алу үшін айдап кеткен.

Оқиға орнына жеткен соң, қиылыстардың бірінде автокөлікті қалдырып кеткен. Тәртіп сақшылары ұрланған көлікті дер кезінде анықтап, заңды иесіне тапсырды. Қазіргі таңда күдікті қатысты сотқа дейінгі тергеп-тексеру амалдары жүргізіліп жатыр.