ЖИ тани алмайды: дизайнер мөлдір бетперде жасады

Нидерландтық дизайнер Йип ван Лейвенстейн кез келген ракурстан бетті тану жүйелерінің жұмысын «бұзатын» мөлдір бетперде әзірледі, деп хабарлайды El.kz интернет порталы.

Утрехт өнер мектебінде жасалған жоба Surveillance Exclusion деп аталып, автоматтандырылған бақылауға қарсы тұру тәсілдерін зерттеуге бағытталды.

Бетперде бет пішінін бұрмалап, өзгертіп жібереді, сондықтан тану жүйелері адамды анықтай алмайды. Соған қарамастан, адамның эмоциясы мен жүзі көрініп тұрады. Жоба техно-қауымдастықтар мен құпиялылыққа арналған форумдарда тарағаннан кейін танымалдылыққа ие болды.

Кейінірек ғылыми мақалалар мен дизайн журналдарында бұл бетперде автоматтандырылған бақылауға қарсы алғашқы талпыныстардың мысалы ретінде көрсетіле бастаған.