ЖИ сот сараптамасындағы адами фактордың ықпалын азайтады

Әзербайжанда сот-сараптамалық зертханаларда жасанды интеллектті қолдану аясын кеңейту жоспарланып отыр, деп хабарлайды El.kz интернет порталы.

Report агенттігінің хабарлауынша, тиісті ережелер президент Ильхам Әлиев бекіткен 2026-2030 жылдарға арналған сот сараптамасын дамыту тұжырымдамасына енгізілген.

Атап айтқанда, сот сараптамасы саласында бірыңғай ақпараттық жүйе құру және оған мемлекеттік органдардың тиісті ақпараттық жүйелері мен дерекқорларын біріктіру көзделген.

Тұжырымдама сонымен бірге жасанды интеллекттің сараптамалық қызметтегі қолдану мүмкіндіктерін зерттеуді және зерттеу нәтижелеріне қарай қажетті шараларды жүзеге асыруды қарастырады.

ЖИ технологиясы енгізіліп, зертханалардың материалдық-техникалық базасы жаңартылған сайын адами фактордың әсері едәуір азайып, сарапшылар қорытындыларының дәлдігі мен сенімділігі арта түсетіні атап өтілген.