Жезқазғанда көлік жүргізушісі мопед мінген жасөспірімді қағып кетті

Жезқазғанда көлік жүргізушісі мопед мінген жасөспірімді қағып кетті. Бұл туралы Polisia.kz сайтына сілтеме жасай отырып El.kz ақпарат агенттігі хабарлайды.

2 мамыр күні сағат 20:00 шамасында Жезқазған қаласы ПБ-ға Абай көшесінде орналасқан үйдің жанында жол-көлік оқиғасы болғаны туралы хабарлама келіп түсті, - делінген мәліметте.

23 жастағы автокөлік жүргізушісі мопед мінген 15 жасар жасөспіріммен соқтығысқаны анықталды. ЖКО салдарынан кәмелетке толмаған бала түрлі жарақат алып, медициналық мекемеге жатқызылды.

ҚР ҚК-нің 345-бабының 2-бөлігімен (Көлiк құралдарын басқаратын адамдардың жол жүрісі қағидаларын бұзуы және абайсызда адамның денсаулығына ауыр зиян келтіруге әкеп соққан дәл сол іс-әрекет) сотқа дейінгі тергеу жүргізіліп жатыр.