Жетісуда фельдшерлер көпбалалы отбасыны өрттен құтқарды

Жетісу облысында фельдшерлер көпбалалы отбасыны өрттен аман алып қалды. Оқиға Ескелді ауданында болған, деп хабарлайды El.kz интернет порталы. 

№6/6 жедел жәрдем бригадасы шақыртудан қайтып келе жатқанда Текелі жақтағы тас жолда жанып жатқан үйді байқаған. Фельдшерлер Ғабит Ерғажы, Дамира Рахимова және жүргізуші Мұрат Сәтеков бірден бірден тоқтап, дереу құтқару жұмыстарына кіріскен. Медицина қызметкерлері жанып жатқан үйге барғанда үй жабық болған. Ал отбасы мүшелері ұйықтап жатқан екен. Олар тұрғындарды оятып, барлығына далаға шығуға көмектескенше терезелер мен есіктерді ұрғылап көмектестен.

Денсаулық сақтау министрлігінің мәліметінше, үйде 5 ересек адам мен 2 бала, оның ішінде омыраудағы бала бар екен. Адамдар құжаттарын ғана алып, жалын құшқан үйден шығып үлгерген. 

Отбасы мүшелері жанып жатқан үйден шыққаннан кейін бірнеше минуттан кейін үй толығымен өртеніп кеткен.