Жетісу облысында жүргізуші мас күйінде жол апатына түсіп, қайтыс болды

Жетісу облысында ішімдік ішкен көлік жүргізуші жол апатына түсіп, мерт болды, деп хабарлайды El.kz ақпараттық агенттігі.

Жол-көлік оқиғасы Ескелді ауданында болды. «Фольксваген Гольф-3» автокөлігін басқара алмай қалған 30 жастағы ер адам «Абай-Ешкіөлмес» тас жолында аударылды. Жүргізуші мас болған деп болжануда, – деді Жетісу облыстық полиция департаменті баспасөз қызметінен.

Ведомствоның ақпаратына сәйкес, ер адам оқиға орнында қайтыс болды. Іс жүзінде сотқа дейінгі тергеу амалдары басталды.