Жетісу облысында зейнеткер көлік астында қалып көз жұмды

Полиция Алматы-Өскемен айналма тас жолында болған жол-көлік оқиғасын тергеуде, деп хабарлайды El.kz ақпарат агенттігі.

Жетісу облыстық Полиция департаментінің мәліметінше, «Mitsubishi Galant» автокөлігінің жүргізушісі батыс бағытта келе жатып, жаяу жүргіншілер өткеліне жақын жерде белгісіз жерде жолды кесіп өткен 64 жастағы әйелді қағып кеткен.

Жол-көлік оқиғасы нәтижесінде жаяу жүргінші оқиға орнында қайтыс болды. Жүргізуші анықталып, ұсталды, көлік мамандандырылған автотұраққа қойылған.

Ауа райының өзгеруіне байланысты полиция барлық жол қозғалысы қатысушыларына жолда мұқият болуларыңызды сұрайды. Естеріңізге сала кетейік, жаяу жүргіншілер өткелдеріне жақындаған кезде сіз жылдамдықты төмендетуге және қажет болған жағдайда, адамдарды жіберіп алу үшін тоқтауға міндеттісіз. Әсіресе қараңғы уақытта мұқият болу өте маңызды, - делінген мәліметте.