Жетісайдағы өрт: зардап шеккендердің жағдайы белгілі болды

Түркістан облысындағы өрттен зардап шеккен үш адамның жағдайы әлі де ауыр, деп хабарлайды El.kz интернет порталы.

Барлығы да жансақтау бөлімінде дәрігерлердің тәулік бойы бақылауында.

Құтқарушылардың мәліметінше, зардап шеккендердің бірі – 1986 жылы туған ер адам өрт сөндірушілер келмей тұрып, жанып жатқан үйден өздігінен шығып үлгерген. Дәрігерлер оның жағдайын ауыр деп бағалап отыр, денесінің шамамен 12 пайызы күйген.

Қалған екі адам – 1991 жылы туған әйел мен 2018 жылы туған қыз баланың денелерінің 11-30 пайызын күйік шалған. Екеуі де жасанды тыныс алу аппаратына қосылған.

Жедел медициналық көмек көрсету үшін Шымкенттен санитарлық авиация бригадасы ұшып барды. Дәрігерлердің айтуынша, үш науқастың да жағдайы тұрақты ауыр.