Жетісайда жас отбасы өз таңдауын жасады

Жетісай ауданына қарасты Жаңа ауыл елді мекеніндегі № 216 сайлау учаскесінде жас отбасы келіп өз дауыстарын берді, деп хабарлайды El.kz ақпараттық агенттігі Түркістан облысы әкімдігінің баспасөз қызметіне сілтеме жасап. 

Шаңырақ көтерген жас отбасы ҚР Парламенті мәжіліс және мәслихат депутаттарының сайлауы күнін елеусіз қалдырған жоқ. Сайлау учаскесінде оларды көпшілік ерекше құрметпен қарсы алды.

«ҚР Парламенті мәжіліс және мәслихат депутаттарының сайлауы - бұл әр адам үшін маңызды күн. Бұл күні әркім өзінің азаматтық таңдауын жасап, сайлауға белсенді түрде қатысуы керек. Мен еліміздің патриоты ретінде бұл күнді назардан тыс қалдырмай, келіншегіммен бірге келіп дауыс бердім. Барша ауылдастарымды, ел азаматтарын дауыс беруге шақырамын»,- деді жас отбасының отағасы Мамыр Абай.

Айта кетсек, аудандық сайлау комиссиясының төрағасы Қожамқұл Темірбековтың мәліметінше аудандағы уақытылы жұмыстарын бастаған 75 сайлау учаскесінде дауыс беру құқығы бар 101 869 азамат тіркелген және осы сағатқа дейін ешқандай заң бұзушылық орын алмаған.