Басты
Жаңалықтар
Жетісай базарындағы өртке байланысты комиссия құрылды

Жетісай базарындағы өртке байланысты комиссия құрылды

Фото: Түркістан облысы ТЖД баспасөз қызметі

Жетісайдағы «Күлпаршын» базарындағы өртке қатысты комиссия құрылды, деп хабарлайды El.kz.
«Базардан шыққан өрт таңғы сағат 05:20-да ауыздықталып, 07:35-те сөндірілді. Зардап шеккендер жоқ. Өрттің шығу себебі анықталуда. Желдің салдарынан өртті сөндіру қиын болды. Жалынды сөндіруге 47 өрт сөндіруші мен 16 техника жұмылдырылды», - деді ТЖД баспасөз қызметі.
Түркістан облысының әкімі Өмірзақ Шөкеевтің тапсырмасы бойынша оқиға себептерін анықтау және өрттен зардап шеккендерге көмек көрсету жөніндегі комиссия құрылды.
Оған облыс әкімінің орынбасары Сәкен Қалқаманов жетекшілік етеді. Комиссия алдында ең алдымен зардап шеккендердің санын есептеу, материалдық залалды бағалау, міндеті тұр. Қазіргі уақытта базардың басшылығы мен құрылтайшылары және аудан билігі сатушылармен кездесті.
Бұған дейін хабарланғандай, базардағы сауда қатарларының тығыз орналасқан жері , маталар мен киім кешектер, тұрмысқа қажетті заттар сататын аумағы отқа оранған.

Қысқа да нұсқа. Жазылыңыз telegram - ға

Оқи отырыңыз

{