Желіде жаңа iPhone Fold жиналмалы смартфонының фотосы жарияланды

Аустралиялық инсайдер Сонни Диксон X әлеуметтік желісіндегі парақшасында iPhone Fold (бейресми атауы) жиналмалы смартфонының рендерлерін жариялады.

Fixed Focus Digital инсайдерінің жаңа мәліметіне сәйкес, Apple компаниясы өзінің iPhone Fold моделі үшін жиналмалы экрандарға тапсырыс беріп қойған.

Еске салайық, бұл құрылғыны iPhone 18 Pro/Pro Max модельдерімен бірге күзде таныстырады деген болжам бар.

Инсайдердің айтуынша, смартфонның бағасы «консервативті» болады, алайда бұл нақты қандай деңгей екенін әзірге түсіну қиын. Ал экранға қатысты мәліметтер анағұрлым маңыздырақ.

Бұған дейін хабарланғандай, экрандағы бүктеме қалыңдығы 0,15 мм, ал иілу бұрышы небәрі 2,5 градус болады. Рас, мұны салыстыру үшін басқа модельдер бойынша ұқсас деректер келтірілмеген, бірақ абсолют көрсеткіш тұрғысынан бұл өте аз мән сияқты көрінеді.

Бұған дейін желіде Apple мен Samsung компанияларының жаңа жиналмалы смартфондарының макеттері пайда болып, олардың өзара ұқсастығы өте жоғары екені айтылған еді. Ал CES 2026 көрмесінде Samsung көзге көрінетін бүктемесіз жиналмалы дисплейін таныстырды.

Макеттердің суреттерін инсайдер Сонни Диксон жариялаған. Бұған дейін ол ресми таныстырылымға дейін iPhone 12, iPhone 13, Apple HomePod, iPhone 15, iPhone 15 Pro, сондай-ақ iPhone 17 құрылғыларының дәл фотоларын жариялаған болатын.