Жасанды интеллектінің қолдану аясын айқындайтын құжат қабылданады

Мемлекет басшысы жасанды интеллектінің қолдану аясын айқындайтын құжат қабылдау қажет екенін айтты. Құжатта жасанды интеллектіні қолдану аясы және оны дамытудың міндеттері мен құралдары айқындылады, деп хабарлайды El.kz ақпарат агенттігі.

Бұл – халықаралық озық тәжірибе. Мұндай қадам елімізді технологиялық тұрғыда дамытудың орнықты бағытын айқындауға мүмкіндік береді. Ең алдымен, жасанды интеллект технологиясын экономикамыздың мұнай-газ секторы, энергетика, ауыл шаруашылығы, көлік және логистика секілді маңызды салаларына енгізуге мән беруіміз қажет деп санаймын, - деді ол.

Сондай-ақ Мемлекет басшысы жасанды интеллект қалаларымызды өмір сүруге және жұмыс істеуге қолайлы әрі толыққанды ақылды қалаға (smart city) айналдыру процесін айтарлықтай дәрежеде оңтайландыра алатынын назарға алды.