Жас таланттар жолаушыларды Домбыра күнімен құттықтады

Талантты жас домбырашылар Екібастұз – Алматы бағытындағы №31 пойызының жолаушыларын Домбыра күнімен құттықтады, деп хабарлайды El.kz ақпарат агенттігі.

Белгілі болғандай, балалар Екібастұз қаласындағы «Тұмар» ансамблінде ойнайды және мереке күндері олар Алматы қаласына музыкалық конкурсқа қатысу үшін бет алған. Домбыра күнімен тұспа-тұс келген сапарда жас таланттар барлық қазақстандықтарды қазақ мәдениетінің және ұлттық бірегейліктің ең маңызды символының мерекесімен құттықтауды шешті.

Естеріңізге сала кетейік, Домбыра күні 2018 жылдың 13 маусымында белгіленіп, шілденің бірінші жексенбісінде атап өтіледі.

Айта кетейік, Ұлттық тасымалдаушының пойыздарында әртістер жиі қуанышпен дайындық өткізіп, жолаушыларды бірегей өнерімен қуантады.