«Zhas Project» гранты бойынша конкурсқа өтінім қабылдау басталды

Мәдениет және ақпарат министрлігі, Азаматтық бастамаларды қолдау орталығы мен қоғамдық бірлестіктер, «Zhas Project» жобасы аясында шағын гранттар конкурсы бойынша өтінім қабылдау басталғаны туралы хабарлайды, деп жазады El.kz ақпарат агенттігі.

Жобаның негізгі мақсаты – ақпараттық-түсіндіру, білім беру және жастарға бағытталған жобаларды жүзеге асыру арқылы NEET санатындағы жастар арасында кәсіпкерлікті дамыту, жұмыссыз жүрген, ешқайда оқымайтын жастарға қолдау көрсету.

Биыл «Zhas project» жобасы еліміздің 20 өңірінде жүзеге асырылады.

Өтінім қабылдау 2023 жылғы 22 қазанға дейін жалғасады.

«Zhas project» жобасы аясында (әрбір грантқа) жалпы сомасы 1 млн теңгеге дейінгі 280 шағын грант беру қарастырылған.

Конкурсқа 18 жастан 35 жасқа дейінгі NEET санатындағы қазақстандықтар қатыса алады.