«Салават Юлаев» хоккей клубының баспасөз қызметі бас бапкер Виктор Козловтің көмекшісі қызметін атқарған Константин Кольцовтің қайтыс болғанын растады, деп хабарлайды El.kz ақпарат агенттігі.
Танымал хоккейші белорус теннисшісі Арина Соболенконың сүйіктісі болатын.
Константин Кольцов 42 жасында Майамиде көз жұмды, ол бұл жаққа әлемнің екінші ракеткасы Арина Соболенконы «Мастерс» алдында қолдауға барған. Әзірге оның өліміне не себеп болғаны белгісіз.
«Салават Юлаевтың» жаттықтырушысы Константин Кольцовтің өмірден озғанын қайғырып хабарлаймыз. Ол керемет жан еді, оны әріптестері, жанкүйерлер жақсы көрді және құрметтеді. Константин Евгеньевичтің есімі клуб тарихында мәңгіге қалды. «Салават Юлаев» хоккей клубы Константин Евгеньевич Кольцовтің туыстары мен жақындарына көңіл айтады, – делінген мәліметте.
Әзірге Соболенко бұл жайтқа қатысты пікір білдірген жоқ.