Жәнібек Әлімханұлы мен Теренс Кроуфорд жекпе-жегіне қатысты пікірлер айтылды

Қазақстандық боксшы Жәнібек Әлімханұлының америкалық чемпион Теренс Кроуфордпен жекпе-жек өткізу ықтималдығына байланысты сарапшылар арасында түрлі көзқарастар айтылуда, деп хабарлайды El.kz порталы Betonmobile сайтына сілтеме жасап.

Бұған дейін Әлімханұлы Кроуфордты кездесуге шақырып, мұндай айқасты жанкүйерлер үлкен қызығушылықпен тамашалайтынын мәлімдеген болатын.

Алайда бұрынғы әлем чемпионы Роман Кармазин қазақстандық боксшы әзірге мұндай деңгейдегі жекпе-жекке дайын емес екенін айтты.

Жәнібек жақсы боксшы, оны жеке танимын. Бірақ ол әлі супержұлдыз мәртебесіне жеткен жоқ. Сондықтан Кроуфордпен айқасқа дайын деу ертерек, - деді ол.