Жаңаөзендегі жарылыс: бір адам көз жұмды

Жаңаөзендегі тұрғын үйде болған жарылыстан бір адам қаза тапты, деп хабарлайды El.kz ақпарат агенттігі.

Маңғыстау облыстық әкімдігінің мәліметінше, зардап шеккендер саны да артқан. Бұған дейін 11 адам жарақат алғаны туралы жазып едік.

13 адам зардап шекті, соның ішінде 1994 жылы туған ер адам көз жұмды, екеуі жансақтау бөлімінде, - делінген мәліметте.

Ауруханаға бес адам жеткізілген.

Жаңаөзен қаласындағы 2-шағын ауданда екі кіреберістен тұратын 12 пәтерлі екі қабатты тұрғын үйде жарылыс болды. Салдарынан 150 шаршы метр кіреберіс қирады.

Оқиға орнында Маңғыстау облысы ТЖД 50-ден астам құтқарушы және кинологиялық топ, 10 бірлік техника, жедел медициналық көмек және жергілікті атқарушы органдар қызметкерлері жұмыс істеп жатыр.