Жаңаөзенде шағын және орта бизнес субъектілерінің саны 11 мыңға дейін өсті

Ұлттық экономика министрлігінің өкілдері Маңғыстау облысына жұмыс сапары барысында «Ақтау теңіз порты» арнайы экономикалық аймағында болды, деп хабарлайды El.kz ақпарат агенттігі.

ҰЭМ баспасөз қызметінің мәліметінше, АЭА аумағында министрлік делегациясы big-bag жұмсақ қаптамаларын өндіру жобасымен және сорғы штангалары мен муфталарын шығаратын зауыттың қызметімен танысты.

Жалпы, «Ақтау теңіз порты» АЭА-да 55 қатысушы тіркелген:

21 жоба - іске асырылды
34 жоба - іске асыру барысында

Сондай-ақ Жаңаөзен қаласында өткен жиында бизнесті дамытуды және жұмыс орындарын құруды ынталандыру жөніндегі Жол картасының басты бағыттары талқыланды.

2022 жылдың қорытындысы бойынша:

6 мыңнан астам жұмыс орны құрылды
жұмыс істеп тұрған ШОБ субъектілерінің саны 8 мыңнан 11 518-ге дейін өсті