«Жаңа вирус тарады»: ДСМ өкілі мәлімдеме жасады

ҚР Денсаулық сақтау министрлігінің Санитариялық-эпидемиологиялық бақылау комитеті төрағасының орынбасары Роза Қожапова Үкімет үйінде өткен баспасөз мәслихатында елдегі эпидемиологиялық жағдайға қатысты пікір білдірді, деп хабарлайды El.kz интернет порталы.

Роза Қожапованың айтуынша, жіті респираторлық вирустық инфекция (ЖРВИ) мен тұмауға шалдығу деңгейі жыл сайынғы қалыпты деңгейде.

Қазіргі уақытта айналымда жүрген вирустардың басым бөлігі тұмау вирустарының түрлері. БАҚ-та жиі айтылып жүрген «гонконг вирусы» да соның бірі. Бірақ бұл жаңа вирус емес – ол алғаш рет 1960-жылдары анықталған. Қазір ол жыл сайын кездесетін қалыпты вирус саналады. Биыл тұмауға қарсы егілген вакцина құрамында осы вирусқа қарсы штамм да бар, – деді ол.