Жамбыл облысында жол апатынан жеті адам көз жұмды

Жамбыл облысындағы жол апаты 16 қыркүйек күні кешке болған, деп хабарлайды El.kz ақпарат агенттігі.

Полиция дерегінше, жол талғамайтын көлік жүргізушісі қарсы жолаққа шығып кетіп, жүк көлігімен және микроавтобуспен соқтығысқан.

16 қыркүйек күні 18:30-да «Батыс Еуропа – Батыс Қытай» республикалық тасжолының 526-шақырымында жол-көлік апаты болды. «Cadillac Escalade» маркалы көлігінің жүргізушісі басып озамын деген мақсатпен қарсы жолаққа шығып кетіп, DAF жүк көлігімен соқтығысқан, сонан соң «Cadillac Escalade» өз жолағына оралып, «Газельмен» соқтығысқан. Салдарынан екі көлік өртенді, - делінген Полиция департаменті таратқан ақпаратта.

Екі жүргізуші мен жол талғамайтын көлікте отырған бес жолаушы оқиға орнында көз жұмды. Оның ішінде 2 жасар сәби де болған. 

Сотқа дейінгі тергеу басталды.