Басты
Жаңалықтар
Зарина Райфова пара дзюдодан қола жүлде жеңіп алды

Зарина Райфова пара дзюдодан қола жүлде жеңіп алды

Перизат Саденова
Фото: ҰОК

Пара дзюдодан әйелдер арасында +70 кг салмақ дәрежесінде J2 санатында белдескен Зарина Раифова қола медаль жеңіп алды, деп хабарлайды El.kz ақпарат агенттігі.

Туризм және спорт министрлігінің мәліметінше, үшінші орын үшін өткен кездесуде Раифова италиялық Каролина Костадан басым түсті.

Париждегі Паралимпия ойындарына қатысып жатқан спортшылар отандастарымызды күн сайын жүлделі орындармен және тамаша нәтижелермен қуантуда. Бүгін парадзюдо құрамасы тағы да кәсіби дайындығын көрсетіп, тамаша нәтижеге қол жеткізді. Отандасымызды үшінші орын алуымен шын жүректен құттықтай отырып, спорт бәсекелерінде жеңістері мен табысы көп болсын тілеймін, - деді Туризм және спорт министрі Ербол Мырзабосынов.

Айта кетейік, қазір Қазақстан қоржынында 2 алтын, 3 күміс, 3 қола медаль бар.

париж Паралимпиада дзюдо спорт
Қысқа да нұсқа. Жазылыңыз telegram - ға

Оқи отырыңыз

{