Қызылордада ҚХА Кубогына арналған мини-футболдан қайырымдылық турнир өтті

Қызылордада «Қайырымдылық керуені» акциясы аясында облыстық Қазақстан халқы ассамблеясы Кубогына арналған мини-футболдан турнир өтті.

Турнирге мекеме, кәсіпорындар қызметкерлері, әуесқойлардан құралған 8 команда жасақталып қатысып, бақтарын сынады.

Жарыс тартысты өтіп, өзара іріктеуден өткен командалар алдыңғы үштікке талпынды. Сайыс қорытындысы бойынша 1-ші орынды КБИ мөлтек ауданынан қатысқан әуесқойлар командасы, 2-ші орынды «Абзал и К», үшінші орынды ЕМС командасы қанжығаларына байлады.

Барлық қатысушылар мен жеңімпаздар диплом, бағалы сыйлықтармен марапатталды.

Турнирге қатысқан командалар мен демеушілердің қолдауымен көп балалы отбасыдан шыққан 3 бүлдіршінге «Сырдария» жазғы демалу лагеріне жолдама табысталып, мектепке қажетті оқу құралдары қамтылған сөмке табысталды.