Қызылордада «Қазақтану» жобасын жүзеге асырудағы Аналар кеңесінің рөлі талқыланды

Бүгін Қызылордадағы Достық үйінде облыстық Қазақстан халқы ассамблея жанындағы Аналар кеңесінің кеңейтілген отырысы өтті.

Отырыстың күн тәртібіне «Қазақтану» жобасын жүзеге асырудағы Аналар кеңесінің рөлі мәселесі шығарылды.

Дөңгелек үстел форматында ұйымдастырылған бұл шарада «Қазақтану» жобасы негізінде дәстүрлі қазақ тәрбиесі мәселелері талқыланып, қоғамдағы, отбасындағы ұлттық құндылықтарды насихаттау, оның ішінде Аналар кеңестері отырыстары мен іс-шаралары шеңберінде оларды жүзеге асыру мәселелері пысықталды.     

Шараның соңында Қазақстан халқы Ассамблеясының «Қазақтану»  ғылыми-ағартушылық жобасы негізінде салт-дәстүрлерді, әдет-ғұрыптарды насихаттап, көрмеге өз үлесін қосқан бір топ қолөнерші марапатталды.