Ыстамбұл әуежайында Wi-Fi тегін болады

Turkish Airlines әуе компаниясы Ыстамбұл әуежайында өз жолаушыларына тегін және шектеусіз Wi-Fi ұсынды. Бұл туралы компанияның басшысы Билал Экши мәлімдеді, деп хабарлайды El.kz ақпарат агенттігі.

Ыстамбұл әуежайы – Еуропадағы ең үлкен әуежайлардың бірі. 2023 жылы бұл әуежай Лондондағы Хитроу әуежайынан кейінгі екінші орынға шығып, жылына 76 миллионнан астам жолаушы қабылдады. 4-10 қараша аралығындағы мәліметтер бойынша, әуежай күніне орташа есеппен 1 359 рейсті қабылдап, Еуропаның басқа хабтарын басып озды.

Жолаушылар ағынының өте үлкен көрсеткіштері мен «Әлемнің үздік әуежайы» мәртебесіне қарамастан, бұл хабтағы Wi-Fi қызметі ұзақ уақыт бойы шектеулі болып келді. Қызмет көрсету сапасын жақсарту мақсатында Түркияның жетекші әуе тасымалдаушысы Turkish Airlines енді әуежайда тегін және шектеусіз Wi-Fi қызметін қолжетімді етті.