«WhatsApp-ты осылай бақылап отырады». Сарапшылар видеоға қатысты жауап берді

Әлеуметтік желіде ҰҚК қазақстандықтардың  WhatsApp-тағы хабарламаларын «бақылап отырған» видеосы тарап кеткен еді,  деп хабарлайды EL.kz ақпарат агенттігі Stopfake.kz сайтына сілтеме жасап.

Видеода көптеген адамдардың бір-бірімен хат алмасқаны бейнеленген мониторинг көрінеді. Шындығында бұл видеоның Қазақстанға ешқандай қатысы жоғы белгілі болды.

Бұдан бір-екі ай бұрын аталған видео Дағыстан мен Өзбекстанда талқыланып, «билік қарапайым халықты осылай бақылап отырады екен» деген пікірлер тараған еді.

Бейнежазба сапасыз болса да, WhatsApp желісіндегі хат алмасуға еш ұқсамайтынын  аңғаруға болады. Онда қытайлық WeChat желісіндегі жарнама хаттарының жаппай таратылып жатқаны аңғарылады.