VIP-такси: полиция кортежіндегі Cobalt желі жұлдызына айналды

Әлеуметтік желіде Астана көшелеріндегі кортеждің видеосы тарады. Бір қарағанға, әлем көшбасшылары елімізге ат бұрғанда жүретін кортеж ғой, оның несі бар деуіңіз мүмкін. Бірақ бұл жолғысы бөлек, деп хабарлайды El.kz интернет порталы.

16-18 маусым аралығында елордада «Қытай – Орталық Азия» форумы қарсаңында қауіпсіздік шаралары күрт артты. Қала көшелеріндегі тәртіпті полиция кортежі бақылады. Дегенмен сондай кортеждің арасында «шақырылмаған қонақ» көпшіліктің көзіне түсіп қалды.

Видеодағы кадрдан полиция көліктерінің арасында Chevrolet Cobalt көлігінің өтіп бара жатқанын көруге болады.

Оқырман қауым такси жүргізушісіне қатысты түрлі пікір жазған.

«Таксиді күзетпен шақырған ғой», «Жүргізуші не болып жатқанын да түсінбей қалған шығар», «Кептеліссіз жетіп алайын деген болар», «Бренд жарнамасы» деп осыны айт», - деп жазды көпшілік.