Венгрияда соңғы 100 жылдағы ең жоғары температура тіркелді

26 шілде күні Венгрияның оңтүстік-шығысында ауа температурасы 41,3°C-қа жетіп, соңғы ғасырдағы рекорд жаңартылды, деп хабарлайды El.kz интернет порталы.

Бұл көрсеткіш 1921 жылы Шерег қаласында тіркелген алдыңғы рекордтан 0,9 градусқа жоғары және ел тарихындағы абсолюттік максимумнан небәрі 0,6 градусқа төмен болды.

Шілде айының соңында Еуропаның бірнеше өңірінде - Италия, Грекия, Түркия, Балқан елдері мен Кипрде биылғы үшінші рет аптап ыстық орнады. Көптеген аймақтарда термометр бағаны 40 градустан асып кетті.