Велоспорт: Қазақстан құрамасы Азия чемпионатында топ жарды

Қазақстан құрамасы тас жолдағы велоспорттан Азия чемпионатында алтын медаль иеленді, деп хабарлайды El.kz ақпарат агенттігі.

Қазақстан құрамасы тас жолдағы велспорттан Пхитсанулокте (Таиланд) өтіп жатқан Азия чемпионатында алғашқы медалін жеңіп алды.

Біздің спортшылар аралас командалық эстафетада жеңіске жетіп, тұғырдың ең жоғары сатысына көтерілді.

Елімізге алтын медальді Дмитрий Груздев, Евгений Федоров, Антон Кузьмин, Махаббат Үмітжанова, Рината Сұлтанова және Анжела Соловьева алып келді.

Күміс жүлдені Жапония иеленсе, қола медаль Гонконгқа бұйырды.