Үздік футболшыға берілетін «Алтын доп» қай күні табысталатыны анықталды

Дәстүрлі «Алтын доп» футбол марапатын тапсыру күні белгілі болды, деп хабарлайды El.kz ақпараттық агенттігі.

Оны France Football журналы жылдың үздік футболшысына береді.

Іс-шара 2023 жылдың 30 қазанында Париждегі «Шатле» театрында өтеді.

6 қыркүйекте «Алтын допқа» ұсынылған 30 ер адам мен 20 әйелдің есімдері жарияланады. Сол күні жылдың үздік қақпашысына берілетін Лев Яшин сыйлығына он үміткер, сондай-ақ 21 жасқа толмаған ең үздік жас футболшыға берілетін Copa кубогына он үміткердің аттары аталады.

Футболшылардың қоғамдық қызметі үшін Сократес атындағы сыйлыққа үміткерлердің есімдері 7 шілдеде жарияланады.

Бұған дейін Goal басылымы «Алтын допқа» басты үміткерлердің тізімін жариялады. Бұл сыйлыққа басты үміткер ретінде ПСЖ шабуылшысы Лионель Месси тұр. Үздік бестікке Эрлинг Холанд («Манчестер Сити»), Килиан Мбаппе («ПСЖ»), Винисиус Жуниор («Реал» Мадрид) мен Кевин Де Брёйне («Манчестер Сити») енген.

Үміткерлер тізіміне енген 20 футболшы:

1. Лионель Месси («ПСЖ»).
2. Эрлинг Холанд («Манчестер Сити»).
3. Килиан Мбаппе («ПСЖ»).
4. Винисиус Жуниор («Реал»).
5. Кевин де Брёйне («Манчестер Сити»).
6. Виктор Осимхен («Наполи»).
7. Карим Бензема («Реал»).
8. Хвича Кварацхелия («Наполи»).
9. Роберт Левандовски («Барселона»).
10. Хулиан Альварес («Манчестер Сити»).
11. Илкай Гюндоган («Манчестер Сити»).
12. Бернарду Силва («Манчестер Сити»).
13. Лаутаро Мартинес («Интер»).
14. Маркус Рэшфорд («Манчестер Юнайтед»).
15. Джуд Беллингем («Боруссия»).
16. Бруну Фернандеш («Манчестер Юнайтед»).
17. Букайо Сака («Арсенал»).
18. Каземиро («Манчестер Юнайтед»).
19. Джек Грилиш («Манчестер Сити»).
20. Родриго Гоэс («Реал»).