Үш облыста жол қозғалысы шектелді - ҚазАвтоЖол

Қазақстанның үш облысындағы трассаларда ауа райының нашарлауына байланысты көлік қозғалысына шектеу енгізілді. Бұл шектеулер әсіресе жүк және қоғамдық көліктерге қатысты, деп хабарлайды El.kz интернет порталы.

«ҚазАвтоЖол» баспасөз қызметінің хабарлауынша, 2025 жылдың 7 желтоқсанында сағат 12:30-да бастап ауа райының нашарлауына (температураның төмендеуі, тұман) байланысты бірнеше учаскедегі автожолдарда жүк және қоғамдық көліктердің қозғалысына шектеу енгізілді.

Шектеулер үш облысты қамтитын негізгі республикалық маңызы бар жолдарда әрекет етуде:

1. Ақтөбе және Қызылорда облыстары:

• Жол атауы: «РФ шекарасы – Мартөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы»

• Ақтөбе облысындағы учаске: 965-тен 1240 шақырымға дейін (Қарабұтақ кентіненҚызылорда облысының шекарасына дейін).

• Қызылорда облысындағы учаске: 1240-тан 1362 шақырымға дейін (Ақтөбе облысының шекарасынан Арал қаласына дейін).

2. Ақтөбе және Қостанай облыстары:

• Жол атауы: «Қостанай – Рудный – Денисовка – Комсомольское – Қарабұтақ»

• Ақтөбе облысындағы учаске: 0-ден 234 шақырымға дейін (Қарабұтақ кентінен Қостанай облысының шекарасына дейін).

• Қостанай облысындағы учаске: 234-тен 310 шақырымға дейін (Ақтөбе облысының шекарасынан Адаевка ауылына дейін).