Басты
Жаңалықтар
Үш айда 18,7 миллиард доллардың тауары экспортқа шықты

Үш айда 18,7 миллиард доллардың тауары экспортқа шықты

Алмас Абылай
Фото: © Pixabay.com

Еліміз үш айда 18,7 миллиард доллардың тауарын экспортқа шығарды. Бұл туралы Үкімет отырысында Ұлттық экономика министрі Әлібек Қуантыров айтты, деп хабарлайды El.kz ақпараттық агенттігі. 

2023 жылғы қаңтар-наурыз айларында сыртқы сауда тауар айналымы 13,4 пайызға өсіп, 32,7 миллиард долларды құрады. Экспорт 18,7 миллиард доллар болды. Бұл ретте өңделген тауарлар экспорты 8,1 пайызға ұлғайып, 5,9 миллиард долларға жетті. Тауарлар импорты 14 миллиард долларды құрады. Жалпы, оң сауда балансы 4,8 млрд долларға тең, - деді Әлібек Қуантыров.

Өңірлер арасында ең жоғарғы өсім Түркістан, Маңғыстау, Қызылорда және Батыс Қазақстан облыстарында байқалған.
 
Өңдеу өнеркәсібінде оң өсу сақталып отыр. Өндіріс көлемі 5,1 пайыз өсті. Көрсеткіш өсуі 16 өңірде тіркелді. Соның ішінде ең жоғарғы өсуді Қостанай, Солтүстік Қазақстан, Абай облыстары және Алматы қаласы көрсетті, – деді министр.
экономика тауарлар экспорт Ұлттық экономика министрі Әлібек Қуантыров
Қысқа да нұсқа. Жазылыңыз telegram - ға

Оқи отырыңыз

{