Ұлытаудағы шахта апаты: Үйінді астында қалғандардың есімдері белгілі болды

Ұлытау облысы Жаңаарқа ауданында "Қазақмыс" корпорациясына тиесілі шахтадағы оқиға кезінде үйінді астында қалған 7 жұмысшының аты-жөндері белгілі болды. Олардың тізімі жариялады, деп хабарлайды El.kz ақпарат агенттігі. 

Ондағы мәліметте облыстық ТЖД жедел штабының республикалық жедел штабқа жолдаған есебі жазылған. 

Апат болған кеніште Меңдібаев бригадасының 7 жұмысшысы қалып қойған. Олар:

1. Нұрылдаев О. – энергетик;
2. Жақұбаев А. – тау-кен шебері;
3. Кенжебеков О. – жүк тиегіш-тасымалдау машинасының машинисі;
4. Ақшалов Н. – сорғы қондырғысының машинисі;
5. Молдабеков Ғ. – сорғы қондырғысының машинисі;
6. Жұмадулаев Б. – сорғы қондырғысының машинисі;
7. Рожков К. – электрслесарь.

Еске салсақ, бүгін 17 ақпанда  "Қазақмыс" корпорациясына тиесілі "Жомарт" кенішінде 640 метр тереңдікте тау жынысы опырылып, 7  жұмысшы үйінді астында қалды. Авариялық-құтқару жұмыстары жүргізілуде.