Ұлытауда киік ұшаларын жинау жұмыстары жалғасып жатыр

Ұлытау облысында аймақ басшысының тапсырмасына сәйкес Жезқазған қаласы аумағын киік ұшаларынан тазарту жүргізіліп жатыр. Ақпан айынан бері атқарылған жұмыстардың нәтижесінде бас-аяғы 660-тан астам киік өлексесі жойылды, деп хабарлайды El.kz ақпарат агенттігі. 

24-26 наурыз күндері Кеңгір су қоймасы, Жезқазған қаласының аумағында 20 және Жезқазған қаласының аумағындағы далалықтан 63, Кеңгір су қоймасының солтүстік-шығыс бөлігінен «Балықшылар үйі» маңына дейінгі аумақтарынан 110 бас өлі киік Кеңгір округінің мал қорымына тасталды. Механикалық зақымдары жоқ. Арнайы ұшаларды жою туралы комиссия мүшелерімен акт толтырылып, қол қойылды.

Айта кетейік, Кеңгір су қоймасындағы мұздың еруіне байланысты қауіпсіздік мақсатында Төтенше жағдайлар департаментінің арнайы жасақталған мамандарынан құралған бөлімшелер жұмылдырылды. Қыс айында өлген киік ұшаларын жинау жұмысы әлі де жалғасын табады.