Ұлытау облысында жоғалған бес адам табылды

Ұлытау облысында ТЖМ қызметкерлері жоғалған бес адамды тапты, деп хабарлайды El.kz ақпарат агенттігі.

ТЖМ мәліметінше, кеше Жезді ауылынан жеңіл автокөлікпен бес адам «Бидаш-ана» шаруа қожалығына шығып, хабарсыз кеткен. Бүгін туыстары құтқарушылардан көмек сұрады.

ТЖМ күштері дронның көмегімен іздестіру жұмыстарын жүргізді. Бүгін іздестіру тобы жоғалғандарды тауып, Жезді ауылына эвакуациялады. Олар медициналық көмекке мұқтаж болған жоқ. Белгілі болғандай, техниканың ақаулығынан олар қар құрсауында қалып қойған, - делінген мәліметте.