Ұлытау облысында жедел қызметі қар құрсауында қалып қойды

Ұлытау облысында жедел жәрдем көлігі қар құрсауында қалып, ТЖМ құтқарушылары көмекке келді, деп хабарлайды El.kz ақпарат агенттігі. 

Ұлытау облысының «Жезқазған-Есіл-Петропавл» республикалық маңызы бар автожолының Ұлытау ауылынан 25 шақырым аумағында жедел медициналық жәрдем көлігі қар құрсауында қалды.

Белгілі болғандай, дәрігерлер «Омар» шаруа қожалығынан жолға шыққан. Құтқарушылар автокөлікті жолдың тазартылған учаскесіне шығарғаннан кейін, олар одан әрі өз бағдары бойынша бет алды. 

Бұл ретте еліміздің төтенше жағдайлар министрлігі оқыс жағдай орын алған сәтте 112 нөміріне хабарласуды сұрайды.