Ұлытау облысында үйінді астында қалған жеті кеншінің аты-жөні жарияланды

Ұлытау облысының Жаңаарқа ауданындағы "Қазақмыс" корпорациясының "Жомарт" кенішінде қаза тапқан кеншілердің тізімі пайда болды, деп хабарлайды El.kz ақпарат агенттігі.

Қайтыс болған кеншілердің тізімі:

• Қайрат Аманбекұлы Ақшалов, 1975 жылы туған, сорғы қондырғыларының машинисі;
• Ардақ Боранбайұлы Жақұбаев, 1998 жылы туған, жер асты учаскесінің тау-кен шебері;
• Бақытбек Нышанұлы Жұмаділлаев, 1975 жылы туған, жер асты кен жұмысшысы;
• Орынбек Әмірханұлы Кенжебеков, 1991 жылы туған, тиеу-тасымалдау машинасының машинисі;
• Ғалымжан Есенбекұлы Молдабеков, 1978 жылы туған, шпур бұрғылаушының көмекшісі;
• Олжас Жағалбайұлы Нұрұлдаев, 1979 жылы туған, жер асты учаскесінің энергетигі;
• Константин Владимирович Рожков, 1992 жылы туған, жер асты тау-кен қазу жабдықтарының электрослесарь-монтаждаушысы.

Құтқару жұмыстары барысында барлық жеті кеншінің денесі табылып, жер бетіне шығарылды. Қайтыс болғандардың отбасыларына материалдық көмек көрсетілетіні хабарланды. Оқиғаның себептерін анықтау үшін арнайы комиссия құрылды.