Ұлттық ұлан сарбаздары түзеу мекемелеріне 140 ұялы телефонды өткізудің жолын кесті

Жыл басынан бері Ұлттық ұлан қызметкерлері түзеу мекемелеріне 140 ұялы телефонды өткізу әрекеттерін тоқтатты, деп хабарлайды El.kz ақпарат агенттігі.

Қазіргі уақытта Ұлттық ұланның қарауылдау және әскери жасақ бақылаушылары Қазақстанның қылмыстық-атқару мекемелерін қорғауда. Күн сайын осы мекемелердің қауіпсіздігін қамтамасыз ету және жазасын өтеушілердің тәртібін бақылау үшін 2 мыңға жуық әскери қызметші кезекшілік атқарады.

Биыл күзет қызметі мен әскери жасақ бақылаушылары тыйым салынған заттарды өткізудің 20 оқиғасын болдырмады. 140 ұялы телефон, 152 SIM-карта, 45 пышақ пен өткір құрал, 420 грамнан астам марихуана, 20 литр спирттік сусындар тәркіленді. 17 заң бұзушы ұсталып, тергеу-жедел топқа тапсырылды, - делінген мәліметте.