Ұлттық домбыра күніне орай полицейлер күй тартты

Ұлттық домбыра күніне орай және Қазақстан полициясының 33 жылдығына арналған имидждік-идеологиялық науқан аясында Алматыда полиция қызметкерлері Медеу мұз айдынында күй шертті,  деп хабарлайды Polisia.kz-ке сілтеме жасап El.kz интернет порталы.

ІІМ М.Есболатов атындағы академиясының курсанттары мен 80 полиция қызметкері “Балбырауын” күйін орындады.

Іс-шара Отанға қызмет ету тек тәртіпті сақтау ғана емес, сонымен қатар ұлттық құндылықтарды, салт-дәстүрлерді, мәдени мұраларды құрметтеу екенін еске салды.

Ұлттық домбыра – мейірімділік қана емес, тарихқа, мәдениетке, осы жер бетінде бірге өмір сүріп жатқан халыққа деген құрмет. Медеу секілді жерде оркестрлік орындау – Қазақстан полициясының ішкі қуатын, бірлігін және халықпен байланысын білдіреді. Біз жастардың өз елі мен өз полициясымен мақтанғанын қалаймыз, — дейді ұйымдастырушылар.