Ұлттық байлық ат төбеліндей топтың еншісінде кетті - Ерлан Саиров

Қаңтар оқиғасы бойынша Мәжілістің арнайы отырысында депутат Ерлан Саиров құқық қорғау органдары бұл бағыттағы жұмысты ары қарай жалғастыра беруі тиіс екенін және Мәжіліс мәселені әрқашан өзінің бақылауында ұстайтынын жеткізді, деп хабарлайды El.kz ақпараттық агенттігі.

«Қаңтардың басында, елімізде әлеуметтік әділеттілікті талап еткен, бейбіт митингіге шыққан азаматтар жүйелі әділетсіздіктен шаршаған, тұрмыс жұтаңдығынан қажыған, болашаққа сенімсіздіктен тұралаған біздің отандастарымыз, туған-туысымыз! Ол азаматтарды осындай жағдайға жеткізген волюнтаристік, коррупциялық, протекционистік ескі жүйе!», – деді Ерлан Саиров.