Украиналық отбасы Израильде зымыран соққысынан қаза тапты

Израильге баласын емдету үшін көшіп келген украиналық отбасы ирандық зымыран соққысы кезінде қаза тапты, деп хабарлайды El.kz интернет порталы.

2025 жылдың 14 маусымына қараған түні Израильдің Бат-Ям қаласында (Тель-Авив маңында) тұрғын үйге ирандық баллистикалық зымыран соғылды. Зымыранның астында Украинадан, нақтырақ айтқанда Одесса қаласынан келген отбасы қалып қойды. Олардың арасында ауыр онкологиялық дертке шалдыққан 7 жастағы Настя есімді қыз да болған.

NEXTA.live ақпараты бойынша, Қыздың әкесі – Украина Қарулы күштерінің әскери қызметкері – Украинада қалып, баласының еміне қаражат жинауды жалғастырып жатқан.

Апат салдарынан 30 жастағы Мария Пешкурёва, оның 7 жастағы қызы Настя Бурик, Марияның анасы – 60 жастағы Елена, және екі жиені – 9 жастағы Константин мен 7 жастағы Илья қаза тапты.

Бұған дейін Иран мен Израиль арасындағы қақғытығыста кім жеңуі мүмкін екені туралы жазған едік.