Украинаға қатысты Лондонда жоспарланған келіссөздер тоқтатылды​

Sky News мәліметінше, Ұлыбритания, АҚШ, Франция, Германия және Украина сыртқы істер министрлері Лондонда Украинадағы жағдайды бейбіт жолмен реттеу бойынша жоспарланған кездесуге қатыспайтын болды, деп хабарлайды El.kz ақпарат агенттігі.​

Келіссөздердің тоқтатылуына АҚШ мемлекеттік хатшысы Марко Рубионың Украина президенті Владимир Зеленскийдің Қырымды Ресейдің бір бөлігі ретінде мойындаудан бас тартуына байланысты жиынға келмейтіні себеп болды. ​

Рубионың айтуынша, Зеленскийдің бұл ұстанымы АҚШ-тың Ресей мен Украинаны келіссөздер үстеліне отырғызу әрекеттерін қиындатып отыр. Ол сондай-ақ АҚШ президенті Дональд Трамптың шыдамы таусылып, басқа басымдықтарға көшуі мүмкін екенін ескертті.​

Осы жағдайдан кейін Ұлыбритания, Франция және Германия сыртқы істер министрлері де кездесуге қатысудан бас тартты.​

Зеленскийдің кеңсесі әзірге бұл мәселеге қатысты ресми мәлімдеме жасаған жоқ.​