Украинада қаза тапқан балалар саны жарияланды

Украинаның Бас прокуратурасы елдегі қақтығыс салдарынан қаза тапқан балалар санын жариялады, деп хабарлайды El.kz

Ведомство мәліметінше, Украинада 341 бала көз жұмған.

– 2022 жылғы 28 маусымдағы ақпарат бойынша Украинада Ресей Федерациясының қарулы агрессиясы салдарынан 963 бала зардап шекті. Ювеналды прокурорлардың ресми ақпараты бойынша 341 бала қаза тауып, 622-ден аса адам жарақат алған, - деп хабарлады Бас прокуратура.

Сондай-ақ елдің қай өңірлерінде зардап шеккен балалар саны көп екені айтылды.

• Донецк облысы – 336 бала,
• Харьков облысы – 183 бала,
• Киев облысы – 116 бала,
• Чернигов облысы – 68 бала,
• Луганск облысы – 57 бала,
• Херсон облысы – 52 бала,
• Николаевск облысы – 48 бала,
• Запорожск облысы – 31 бала,
• Сум обылсы – 17 бала.