UFC: Қазақстандық файтер қырғызстандық қарсыласынан жеңілді

Шанхайда (Қытай) өткен UFC Fight Night турнирінде октагонда алғаш рет Қазақстан мен Қырғызстан спортшылары жолықты, деп хабарлайды El.kz интернет порталы. 

Қазақстандық Дияр Нұрғожай жартылай ауыр салмақта қырғызстандық Уран Сатыбалдиевпен (8-1) күш сынасты. Үш раундқа жоспарланған айқас күтпеген жерден ерте аяқталды. Сатыбалдиев 1-раундтың өзінде-ақ қарсыласын ауырту әдісімен жеңіп кетті.

Бұл жекпе-жек екі ел тарихындағы UFC аясындағы алғашқы кездесу болып саналады. Айта кетерлігі, бұл жеңіс – Қырғызстан спортшысы үшін ұйымдағы алғашқы тарихи жеңіс.